Mas humitaas an ihap han nagparehistro han Barangay Sangguniang Kabataan Elections 2026 ha Tacloban City dida han urhi nga adlaw han registration, basar han assessment han Commission on Elections.
Sumala kan Tacloban City Comelec Officer, Atty. Ramon Dadulla, nga dida pala han aga han Lunes, Mayo 18, in damo na nga ihap han mga maparehistro an nangabot ha ira sattelite office.
Dugang hini nga magkulop nga hataas an bulyo han mga registrants kun diin, mas damo ini dida han deadline kumpara han mga nakalabay nga semana ngan bulan.
Sumala pa kan Dadulla, nga mas damo yana iton bag-o nga botante ngan iton mga namag-balhin hin lugar han bobotosan,
Samtang waray pa naman pankabug-usan nga ihap han COMELEC han mga malinangpuson nga nagparehistro.
Manunumduman nga pagdudumaraon na an BSKE 2026 yana nga tiaarabot nga Nobyembre 2, 2026 mahuman ini ma-ugsod dida han Disyembre han nakalabay nga tuig.
