METRO MANILA – Ginpahayag han Department of Energy (DOE) nga posible magpadayon an rotational blackout ha nasud, yana nga tuig mahitungod ha hulga han El Niño.
Subay ha DOE, an Luzon ngan Visayas in posible maka-ekspersyensiya hin yellow ngan red alerts ha masunod nga bulan, nga makakaapekto ha sukot hiton kuryente ha Hunyo.
Ha Luzon, ginlalauman nga may-ada pa usa nga yellow alert, samtang ha Visayas ngan Mindanao, 7 ngan 6 nga yellow alerts an nakatalaan nga ig-isa.
Ha Visayas, posible nga magkamay-ada hin unom nga red alerts kada peak hours hiton gabi.
Pag-esplikar ni Energy Undersecretary Felix William Fuentebella, an yellow alert in nangangaruyag sidngon nga hamubo an power reserves, samtang an red alert in kulang na an suplay agud masolusyonan an panginahanglan han consumer.
Ginpahayag naman ni Undersecretary Rowena Cristina Guevara, nga posible magdurot hin hitaas nga sukot han kuryente an mga alert levels.
Presente naman nga ginpapahugot han gobyerno an mga pangunahon nga linya han kuryente, ngan nakikipagbinuligay ha mga power generation firms agud mabalik an suplay ha grid, subay ka Presidential Communications Undersecretary Claire Castro.
