Nagbunggoay ha kalalangitan an duha nga fighter jets ha butnga han air show ha northwestern state han Idaho dida han Dominggo, Mayo 17.
Ha usa nga statement, ginkumpirma han Gunfighter Skies Air Show’s website an aircraft incident nga nahitabo ha may Mountain Home Air Foce base, duha ka-milya tikang ha norte-weste han nasabi nga air force base.
Basar ha report, maswerte nga nakatalwas an tanan nga upat nga crew members tikang ha duha nga US Navy EA-18 fighter jets mahuman hira mag-eject ngan magdeploy han ira mga parachute.
Basar ha video online, nagbunggoay an duha nga jets samtang nagbubuhat hin aerial exhibition, lumibot an mga ini ha kalalangitan ngan lumaprak ha gawas han base ugsa naman bumuto.
Dayon naman nga ginlockdown an Mountain Home Air Force Base ngan ginkansela an nabibilin nga parte han air show agud tagan dalan an emergency response ngan imbestigasyon. Waray naman may nasamaran ha mga nagkikita.
