TACLOBAN CITY – Ginhahalpat na yana han mga otoridad an usa nga preso nga nakaeskapo tikang ha Calbayog City Sub Provincial Jail, alas 11:41 han aga kakulop, Nobyembre 17.
Sumala ha report tikang ha Police Regional Office 8, an nakaeskapo nga preso amo hi Jerry Dealagdon, 35 anyos ngan residente han Brgy. Jolacao , Sta. Margarita, Samar.
Hi Dealagdon in naatubang ha kaso nga duha ka-counts hin murder, attempted murder ngan frustated murder.
Nakahigayon ini nga makatakas han gintugutan hiya ngan han duha pa nga preso nga gumawas kadali para mag alog hin tubig ha gawas han presuhan ngan waray na ini bumalik pa.
Padayon naman an panawagan han mga otoridad ha publiko nga kon in kaso makit-an nira an suspek in dayon mga magreport ha pinakahirani nga mga police stations o kon tawagan ini nga mga numero:
09985986472 -PRO 8 RTOC Hotline
09153941096 -Samar Police Provincial Office
09054254511 -Calbayog City Police Station
