TACLOBAN CITY – Ginpasabot han Traffic Operations Management Enforcement Office o kun TOMECO nga magpapatuman hira hin rerouting plan kadungan an pagdudumara han Sangyaw Festival of Lights 2024.
Nakatalaan nga magpatuman hin NO PARKING policy an syudad ha mga kakarsadahan nga pag aagian han ruta han parada sugad han Magsaysay Blvd., Justice Romualdez St., Rizal Ave., Avenida Veteranos/Imelda Ave., ngan Real Street yana nga alas-12 han udto.
Pag abot naman han alas-3 han kulop in pipira nga mga access roads tikadto ha downtown han Tacloban an temporaryo nga pagsasadhan kutob nga mahuman an parada.
Temporaryo naman nga magpapatuman hin rerouting scheme ha nga tanan nga mga sarakyan nga kun diin, kun tikang ha Norte in kinahanglanon nga umagi ha Quezon Blvd. tikadto ha Trece Marteres- Magsaysay Blvd. ngan ma U-turn ha atubangan han DSWD tibalik na han gintikangan.
Samtang an mga sarakyan naman nga tikang ha South, in puydi agian an Esperas Avenue, maliko left ha Calle Independencia ngan maliko utro ha left tikadto ha Real Street tibalik na ha gintikangan.
Puydi gihapon hira nga dumiretso kutob ha Sta. Cruz St., maliko Lino Gonza Ave., ngan magawas ha Ninoy Aquino Ave. ngan pabalik na ha point of origin.
