TACLOBAN CITY – Waray la gihapon katutudlok ha pagkayana han mga kapulisan ha syudad han Tacloban an pangilal-an han patay nga lawas han usa nga lalaki nga nakit-an ha waiting area ha atubangan han buhatan han LEYECO II kakulop nga adlaw.
Sumala kan Pol. Maj. Edwin Cañamaque, Station Commander han San Jose Police Station 1 han Tacloban City Police Office (TCPO), ha pagkayana in padayon an ira pagpamulat kun may magki-claim nga pamilya han mao nga lalaki nga gintutuuhan nga palaboy.
Subay naman ha inisyal nga imbestigasyon han mga otoridad waray hira nakikita nga foul play ha mao nga insidente ngan gintutuuhan nga natural illness an naging hinungdan han kamatayon hini.
Nahibaruan nga nakasul-ot hin kolor blue nga bado ngan shorts an mao nga lalaki nga ginbabana-bana 35-45 anyos an pangidaron han makit-an ini nga patay ha mao nga lugar.
