TACLOBAN CITY — Ginpahayag han pamunuan han Sto. Niño Parish nga kutob nala yana nga dominggo an kataposan nga adlaw han ira pagdumara hin public masses.
Ini in kasunod han iginpalusad nga executive order ni Mayor Alfred Romualdez nga iginbabawal la anay an pagdumara hin bisan anu nga klase hin katitirok mahuman an nahihipatik nga paghinitaas hiton kaso han COVID-19 ha Tacloban.
Sumala kan Rev. Fr. Jan Ian Brylle Callera, Media Relations Officer han Sto. Niño Parish, tinikangan dida hiton Lunes in mabalik na utro via live streaming la anay an pagdumara hin mga sacramento nga misa agud nga malikayan an paglobo han confirmed cases ha siyudad.
Nanawagan naman ini ha publiko nga igbilin an makusog nga pag-ampo ha makagarahum labi na yana ha butnga han aton ginkakaatubang nga krisis.
