-- Advertisements --
INTERNATIONAL – Ginkakabarak-an nga magdadara hin tensyon ha Italy an pagkadakop han Iran ha 29 anyos nga Italian journalist nga hi Cecilia Sala.
Ha pagkayana in diri pa klaro kun ano nga partikular nga bala-od an gintapalas ni Sala, pero ginbabanabana nga posible ini may kalabotan ha bag-o niya nga podcast episode kun diin nahingaydan an politikal nga sitwasyon han Iran.
Mahitungod hini, hingyap han Ministry of Foreign Affairs han Italy nga tugutan an mga tinaglawas han ira embahada nga bisitahon hi Sala ngan dad-an hin mga kinihanglan niya nga butang.
Samtang, subay han pamilya ni Sala, diri maupay an iya kabutangan ha prisohan ngan nakapaslak hiya ha usa nga selda nga mayda mahagkot nga temperatura.
