EASTERN SAMAR – Sumaka na an ihap han mga pasilidad nga nadistroso ha mga iskuylahan nga sakop han Eastern Samar Division mahuman umigo an magnitude 6.1 nga linog dida han nakalabay nga Mayo 4 kun diin an sentro in ha San Julian, Eastern Samar.
Sumala kan Department of Education Eastern Samar Divion Information Officer, Abner Aclao, as of May 7 nga datos, ada na ha 143 major damages, 225 minor damages, 17 totally damages, ngan 15 wash facilities an nagkaruruba mahitungod han linog.
An nasabi nga ihap han mga distroso in kaurugan nga nakit-an ha mga distrito nga pinakaapekto han linog sugad han San Julian, Sulat, Can-Avid, Oras, ngan Dolores, Eastern Samar.
Ha iginpagawas nga sertipikasyon Municipal Engineer ngan suhestyon han DRRMO han nasabi nga probinsya, in dire na pwede magamit an 17 nga klasrum nga naruba han linog mahitungod nga iginkokonsidera na ini nga ‘no longer safe’ o dire na talwas gamiton.
Gin malatumat naman ni Aclao nga nagpasa na hira hin report ha ira Central Office agud mabalyuan an mga ruba nga klasrum ngan matikang an pagtukod han mga ini.
