Gin human na han House of Representatives an plenary deliberations ha House Bill No. 10858, o panukala nga 2027 national budget nga nagkakantidad hin ₱7.2-trillion nga gintikangan hadton Setyembre 15 kutob han alas-10 han gab-i han Setyembre 25.
Kaupod ha mga sumalang ha panginano han mga Kongresista an pondo para ha 245 nga buhatan han gobyerno, mga ahensya, kaupod an mga attached agencies, sugadman an government-owned and controlled corporations, ngan 113 State Universities and Colleges.
Gin sigurado naman ni House Committee on Appropriations Chairperson ngan Nueva Ecija Rep. Mikaela Suansing nga mayda gindugang nga safeguards ha ira ginbug-os nga 2027 General Appropriations Act labi na ha patakaran ngan standard kasumpay ha paggmit ngan ebalwasyon han pondo.
Sumala kan Suansing, subay ha direktiba ni House Speaker Faustino Bodjie Dy III in nagpapadayon an transparency ngan pagbaton ha siyam kaadlaw nga plenary review han Kamara ha proposed 2027 budget ngan padayon an ira mga pitad agud mapabilin ini nga abri ha publiko.
Target han Kamara nga aprubahan ha ikaduha nga pagbasa an 2027 General Appropriations Bill ha October 6, samtang ha October 9 naman ini plano nga igpasa ha ikatulo ngan katapusan nga pagbasa.
