Nagmando an Supreme Court nga magsumite an mga respondent ha Republic Act No. 12326, kun diin mahihinumduman nga ginpostpone an 2026 Barangay ngan Sangguniang Kabataan Elections (BSKE) ha Nobyembre 2028.
An petisyon, kun diin ginsumite ni veteran election lawyer Romulo Macalintal, in naghangyo gihapon hin temporary restraining order (TRO) o status quo ante order konta ha pagpapatuman han nasabi nga balaud. Gintagan han Korte Suprema an mga respondent hin non-extendible nga lima kaadlaw tikang makarawat an notice para magsumite han ira komento.
Ha ilarum han Republic Act No. 12326, nga nagin balaud dida han Setyembre 24, 2026, ginpostpone an BSKE ha Nobyembre 2028 ngan ginpahilawig an termino han mga incumbent barangay ngan Sangguniang Kabataan officials hin lima katuig.
Ginkuwestiyon ni Macalintal an constitutionality han balaud, ngan gindig-onan nga gintatalapas an katungod han mga botante nga pumili han ira mga opisyal. Sumala ha petisyon, epektibo nga magpapabilin ha puwesto an mga presente nga opisyal tubtob ha Nobyembre 2028.
