Nabawi han mga pwersa han gobyerno han Yemen an estratehiko nga port city han Mocha pati an mga importante nga posisyon ha Bab al-Mandeb Strait mahuman maglunsar hin counteroffensive kontra ha mga Iran-aligned Houthi rebels.
Sumala ha militar han Yemen, naglunsar gihapon hira hin dako nga offensive tipakadto ha kapital nga Sanaa kaupod han grabi nga araway nga nagbilin hin damo nga namatay ngan nadakop ha parte han mga Houthi.
Ginlunsar an operasyon ha bulig han air support tikang ha Saudi-led military coalition nga nagpadara hin maabot 100 fighter jets agud ubson an mga kagamitan ngan linya han suplay han mga rebelde.
Nahitabo an pagbawi mahuman utro nga lumarab an kasamok ha rehiyon dida han Setyembre kasunod han pag-agaw han mga Houthi ha Mocha ngan iba pa nga mga importante nga aragian pan kargamento.
