Gin anunsyo han Social Security System (SSS) an pinadali nga rekisitos para ha pag-avail han Emergency Loan Program (ELP) ha butnga han krisis durot han kasamok ha Middle East.
Ha usa nga pahayag, ginmalatumat han SSS nga pwede mag-apply para ha emergency loan an mga membro nga mayda na 18 nga kontribusyon kun diin an unom nga kontribusyon in kinahanglan bayad ha urhi nga 12 kabulan. Ini in umubos tikang ha anay 36 kabulan ngan kontribusyon nga gintutugutan para ha emergency loan.
Sakop na gihapon ha programa an mga membro nga mayda minimal past-due loans nga mayda kutob tulo kabulan nga amortizations, sugadman sakop na gihapon an mga overseas Filipino workers (OFWs).
Ada ha kabug-usan nga P27 billion an igin alutaga para ha programa nga ginlalauamn makakabulig ha 2.24 milyon nga membro han SSS.
Ha ilarom han programa, gintutugutan na an mga membro nga makahuram hin kuton P20,000, nga mayda interest rate nga 7% kada tuig, nga mayda unom kabulan nga moratorium.
An kantidad han emergency loan in depende ha average han urhi nga 12 Monthly Salary Credit (MSC) o an gin apply nga kantidad, kun hain an mas hamubo.
Pwede mag-appy han nasabi nga loan an mga membro nga ada ha lugar nga gindeklara nga “state of calamity”. An pautang in pwede ig-apply online pinaagi han SSS website o SSS mobile app.
Samtang, naghatag gihapon an SSS hin short-term microloans nga naabot ha P1,000 ngada ha P2,000 an pwede bayaran ha sulod han 15 ngada ha 90 kaadlaw nga mayda interest rate nga 8% ha kada tuig.
