Denipinsaran han Palasyo Malacañang nga waray “premature” ha nagin pamahayag ni Pang. Ferdinand Marcos Jr. ha daw pagkaka-detain ni anay House appropriations panel chair nga hi Zaldy Co ha Czech Republic.
Sumala kan Palace Press Officer Usec. Claire Castro, sakto an impormasyon han presidente nga hi Co in aadto ha kustodiya han Czech authorities ngan na-hold an iya pag gios, ha kaluyo han ka diri hini opisyal nga “arrest” sugad man han gin klaro han Department of Justice (DOJ).
Gin klaro pa ni Castro nga an gin gamit nga “nahuli” han Pangulo in pan kabug-osan nga puydi tumudlok ha pagka-hold o restriction han gios, ngan diri nanginginahanglan hin legal arrest.
Samtang, gin kumpirma han DOJ nga hi Co in waray ig aresto kundi gin pugngan la mahitungod han pag talapas ha immigration rules mahuman han daw pag proyba nga tumabok ha Czech-German border hin waray travel documents.
Hi Co in naatubang ha kaso nga graft ngan malversation kanit han daw ma anomalya nga P289-million flood control project ha Naujan, Oriental Mindoro.
