-- Advertisements --
TACLOBAN CITY – Gintatalinguha han Office of Civil Defense (OCD) Regional Office 8 nga matagan ha dagmit nga panahon hin temporary shelters an mga biktima han landslides ha Abuyog ngan Baybay City.
Sumala kan Lord Byron Torrecarion, Regional Director han OCD 8, target nira nga matapos an pagconstruct han mga temporary shelters san-o mag-Hunyo 30 yana nga tuig.
Ini in agud nga makabalhin na an mga biktima han landslides nga nagpapabilin pa ha mga evacuation centers ha pagkayana.
Ginsisiguro naman han OCD nga an ira pagtitindugon nga temporary shelters in dire la mga tent kundi an mas mabaskog nga pasilidad nga magiging talwas para ha mga maukoy hini samtang ginpapamulat pa an permanent relocation han mga biktima.
