TACLOBAN CITY– Padayon an ginhihimo nga assestement ngan monitoring hiton Office of the Civil Defense region 8, particular na ah mga lugar nga nadarahigan han naglabay nga mga kalamidad.
Sumala kan Sher Rysiah Saises, Information Officer Office of Civil Defence Vlll, subay ha ira nagin validation, umabot ha 1,659 barangays an nagin apektado han bagyong Tino, kun diin nadalagan ha 240, 874 families nga mayda 847,966 inividuals an apektado han nasabi nga bagyo.
Dugang pa hine, nakaghipatik naman hira hin 4 nga casualties ha Leyte ngan Southern Leyte, ngan 41 naman an naitala nga samaran.
Ginpaangbit pa hine nga umabot ha 68,232, partially and totally damage an nahipatik nga nadarahigan nga mga panimalay matungod han paglasurbo ni bagyong Tino.
Ha pagkayana, purluminos P9M pala an ira nakakarawat nga danyos ha ag rikultura subay ha inisyal nga report hiton Department of Agriculture 8.
Samtang on going pa an validation ha ginbayaan nga danyos ha imprastraktura, kalakip na an restoration han mga telecommunication.
Mayda naman pipira nga mga lugar an naibalik na ha normal an suplay han kuryente, pero padayon la gihapon an paghingayad ha Soleco ngan Dorelco substation.
Para naman ha ira nagin asesstment han bagyong Uwan, nakaghipatik hira hin 1 nga patay ha Catbalogan City Samar, matungod nga nadarahigan ine hiton ira panimalay.
Nakaghipatik naman hira in insiyal nga report hiton mga panimalay nga nagkaguguba kun diin maabot ine ha 583 partially ngan totally damage.
Purluminos 72, 166 families naman an ira nahipatik nga nag force evacuate matungod han bagyong Uwan, ngan an iba ha mga ine in nakapanguli na ha ira mga panimalay samtang an iba naman in nagpapabilin pa ha evacuation center.
Ha pagkayana, 3 pa nga substation ha Northern Samar, an waray pa suplay hiton kuryente.
Nagpapadayon naman an pandestribwer han relief operation, para ha mga apektado nga residente han duha nga magkasunod nga kalamidad.
Ginpaangbit pa hine nga passable na an tanan nga kakarsadahan ngan tulay ha bug-os nga rehiyon.
