TACLOBAN CITY– Nagdudumara an buhatan han Office of the Civil Defense Region 8, ngan pira nga mga interagency nga ahensya hin Libreng Sakay, para han mga truck nga natabok ha San Juanico Bridge, gamit an RoRo, nga nagdadara hin mga kinahanglanon ngan han mga madurunot nga pagkaon sugad hiton utanon ngan prutas.
Sa padayon nga paghingayad han San Juanico Bridge, ngan han tigda nga paghitaas han presyo hiton gasolina, nabug-os an nasabi nga inisyatiba, agud nga makabulig ha mga probmelahon hiton mga truck drivers ngan mga negosyante.
Sumala kan Office of the Civil Defense Regional Director 8 – Lord Byron Torrecarion, ginhimo nira ini nga programa para mabaton an mga araba han mga drayber han mga truck nga dire nakakatabok tikang ha Samar tikanhi ha Leyte vice versa.
An nasabi nga Libreng Sakay ha RoRo, in target nga makaghatag hin serbisyo ha mga suplayer han pribado ngan pampubliko nga sektor, nga nagdadara hin mga pagkaon, medisina, tubig, animal feeds, gasolina, ngan pira pa nga emergency response.
An libre nga sakay in magdudugay naman hin 6 ka-bulan kun diin 630 la dinhi an naka-contract trips an kabug-usan nga magigin libre nga biyahe.
Para ha mga karuyag nga maka-avail han Libreng Sakay, kinahanglan la nira nga ig-fill up an pira nga forms, ugsa nga aprobaran an ira application form nga ginpalusad pinaagi hiton OCD o ha designated LGU/agency, kinahanglan gihapon han mga ine an photocopy han valid government drivers license, mga dokumento ha rehistro han sarakyan kalakip na an OR/CR .
