TACLOBAN CITY – Naaresto han mga otoridad an number 9 high value target durante han ha gindumara nga operasyon ha Brgy. 84 Cogon, San Jose Tacloban City.
Ginkilala an mao nga suspek nga alyas “Rodel”, ada ha igo nga pangidarun ngan residente han mao nga lugar,
Sumala kan PMaj Leonides Sydiongco, Station Commander han San Jose Police Station han Tacloban, nga nakuha ha suspek an 18 nga heat sealed plastic sachet nga mayda sulod nga Iligal nga droga o kun Shabu.
Ini liwat in mayda estimated market value nga naabot ha 250,000 mil de pesos.
Labot hini in nakuha liwat ha mao nga suspek an .38 caliber revolver nga mayda duha nga bala, (3) nga oxygen canisters, ngan pira pa nga mga drug paraphernalia.
Mababaruan nga mayda na standing warrant of arrest an mao nga suspek ha kaso nga may kalabutan ha pagtalapas han RA 9165 (Comprehensive Dangerous Drugs Act of 2002) sugad man an pagtalapas han RA 9262 (Anti-Violence Against Women & their Children Act of 2004).
Nakadetini naman an mao nga suspek ha Police Station 1 ngan naatubang ha pira nga kaso kriminal.
