Nadelatar hin sobra usa kaoras an lupad han usa nga Southwest Airlines flight tikadto ha San Diego mahuman nga magdurot hin kalipong an presensiya han dire komon nga pasahero, usa nga 4 feet robot nga nagngangaran hin “Bebop”.
Kaupod han robot an iya handler nga hi Eily Ben-Abraham tikang ha Elite Event Robotics. Bisan man kun ginpalitan hin kalugaringon nga ticket hi Bebop, gin balabgan ini han mga crew mahitungod nga nalingkod ini ha aisle seat, nga pagtalapas ha polisiya han airline para ha mga dagko nga bagahe.
Iginbalhin an robot ha window seat, pero lumutaw an ikaduha nga problema: an lithium battery hini. Nahibaruan nga an baterya ni Bebop in lumahos ha limitasyon nga gintudlok para ha flight safety.
Gintugutan la makalakat an eroplano mahuman kumpikahon ngan tanggalon an nasabi nga baterya. Ha katupusan, nakaaabot gihapon hi Bebop ha iya event ha Chicago mahuman padad-an hin bag-o nga baterya via overnight shipping.
