Tumalikod na ha kadayuanan an anay NBA player nga hi Jason Collins ha edad nga 47.
Hi Collins an syahan nga aktibo nga lalaki nga atleta nga umamin kumo ‘gay’.
Gin kumpirma han iya pamilya nga mahitungod ha sakit nga glioblastomana, usa nga klase hin agresibo nga kanser ha utak, an rason han kamatayon hini.
Pumakadto pa ini ha Singapore agud magpatambal ha usa nga klase hin chemotherapy.
Dida han nakalabay nga tuig nga gin anunsyo hini nga naigo hiya hin kanser ngan nagpapailarom ini ha medikasyon agud dire ini magsarang.
Nagpaabot naman hin pakikisubo hi NBA Commissioner Adam Silver kun diin nagin dako an impact ini ha NBA.
Tuig-2013 han ig anunsyo niya nga hiya in gay kun diin ginkarawat naman ini han kadam-an.
An California native in nagmulay ha unom nga koponan ha sulod han 13 season ha NBA nga nagtikang ha New Jersey Nets.
Nakaupod gihapon hiya ha Time Magazine’s 100 most influential people ugsa ini magretiro dida han 2014.
