TACLOBAN CITY – Ginmalatumat han Department of Agriculture Region 8 nga umubos ha 2 pesos an kilo han bugas tikang ha mga lokal ngan mga imported nga bugas kun diin, nadalagan ini hin P55-59 pesos kada kilo, basar han ira monitoring dida han mga nakalabay nga semana.
Sumala ha DA nga an pag-ubos han presyo han bugas in mahitungod ha mga nahipatik nga rollback ha presyo han lana.
Mahitungod gihapon ha padayon nga pananom ngan pag-harvest an rason han pag-ubos han presyo hini.
Dugang pa han buhatan nga target nira an 84% nga national rice self-sufficiency, nga posible naman makab-ot han Pilipinas kutob ha katapusan han tuig 2026.
Sumala naman kan Department of Agriculture Senior Agriculturist Dioscoro Gatasan Jr., nga usa naman nga rason kun kay-ano waray bugas nga maubos hin P55 in mahitungod nga hataas yana iton baligya hiton humay.
Dugang hini nga dako naman ini iton naibubulig ha mga parag-uma nga makabawi ha butnga han krisis han lana ha nasud.
Samtang, ginsigurado naman hini nga dire kinahanglan mabaraka an publiko ha suplay naman hiton bugas mahitungod nga supresyente ini, ngan nagbubuhat na hira hin mga pitad agud mapahamubo an mga presyo hini ha mga masunod nga mga bulan.
(Via Bombo Jake Paguipo)
