TACLOBAN CITY– Ginpaangbit hiton National Grid Corporation of the Philippines (NGCP), nga padayon an ira ginhihimo nga restoration ha mga linya nga nagin apektado han paglasurbo han bagyong Tino.
Sumala kan Michael Sabejon Information Officer NGCP Visayas Area, gintatalinguhan han ira mga line men nga maibalik an suplay han kuryente yana nga adlaw.
Pira ha ira gin-papanginano an linya hiton Probinsya han Leyte, sugad hiton Ormoc, San Isidro, Leyte 5, Leyeco 3, Leyte 4, Dorelco ngan Biliran Electric Cooperative, Inc.
Ginpaangbit naman hine, nga dayon naman nira nga naibalik an suplay han kuryente ha Leyeco 2 franchise mga pasado alas 4:00 hiton kaagahon kanina.
Ginmalatumat hine nga dire hira makakag-hatag hin insakto nga oras ngan panahon kun sano mahuhuman an paghingyad han nasabi nga mga linya hitonn kuryente.
Pero ginpatapod hine nga papaniguruhan nira nga maibalik ine ha dagmit nga panahon.
