INTERNATIONAL NEWS- Nakakarawat an Myanmar hin mga helicopters tikang ha Russia ngan eroplano nga pan-gyera tikang ha China.
An duha nga nasud in padayon nga nagsusuplay ha Myanmar nga ginpapadalagan hiton militar bisan ha kaluyo nga mayda pressure tikang ha iba nga mga nasud.
Ginpakita han Military Junta ha Myanmar an nakarawat nira nga 3 nga Russian Mi-38T helicopters ngan duha nga Y-8 aircraft tikang ha China.
An nasabi nga sakayan pankalarakan in gagamiton ha mga mabubukid nga lugar ha Myanmar.
Ginmalatumat ni Senior Gen. Min Aung Hlaing, an tagmangulo han military government ha Myanmar nga importante an military supplies nga iginhahatag ha ira hiton kaalyado nga mga nasud.
Manunumduman, ginsirotan hin sanction han US ngan European Union an Myanmar nga dabi hiton pagbaligya han mga armas militar.
