Padayon an pag-arangkada han 12-anyos nga hi Fatima Naseem ha kalibutan han martial arts mahuman niya makuha an pahibag-o nga Guinness World Record para ha titulo nga “most balloons burst by high-heel kicks above the head in one minute”.
Ha sulod la han usa nga kaminuto, nahimo nga pabuthon han bata nga black belter an 35 nga lobo gamit an pagsipa samtang nakasul-ot hin high heels.
Mas hitaas ini kumpara ha anay rekord nga 22 nga lobo la. Sumala kan Fatima, nagtikang hiya mag-martial arts ha edad nga 3-anyos, ha inspirasyon han iya tatay nga hi Muhammad Rashid, nga usa gihapon nga sikat nga world record holder.
Dire naman ini an syahan nga titulo nga Fatima. Kapot gihapon niya an rekord para ha most elbow strikes ngan most splits ha sulod han usa kaminuto. Hingyap ni Fatima nga magin usa nga professional fighter ngan makuha an pinakadamo nga martial arts records ha bug-os nga kalibutan.
