INTERNATIONAL – Nangaro yana hin diplomasya ha pinakasiyahan nga higayon an lider han military nga hi Min Aung Hlaing ha Myanmar mahuman makaabat an nasud hin 7.7 magnitude nga linog nga nagdurot hin casualty ha haros 2,700 katawo.
Nabaruan nga ginsara ini mahuman an kudeta ni Hlaing dida han tuig 2021.
Nagaandam naman ini para ha usa nga pagbisita ha summit ha Thailand, samtang an iya mga opisyal in mag-bubuhat hin mga pagharampang ha iba pa nga mga lider ha magkadurudilain nga nasud.
Bisan man dire pa sigurado nga maattender ini ha BISTRE summit ha Bangkok nakigistorya naman ini kan Chinese Pres. Xi Jinping, Prime Minister Narendra Modi han India ngan Malaysian Prime Minister Anwar Ibrahim.
Nagresulta naman an pagharampang ha usa nga diplomasya hin pagpapadara hin international aid.
Bisan man ginkarawat han junta an international aid, nahipatik han mga diplomat nga ginlimitahan hini an access han mga sibilyan ngan mga opposisyon ha paghahatag hin ayuda.
Samtang nagpapadayon naman an opensiba han militar ha luyo han panawagan para han ceasefire.
