TACLOBAN CITY – Maghihimo hin kaangayan nga aksyon an pira nga mga transport cooperatives ha siyudad han Tacloban pananglitan nga waray himuon nga solusyon an gobyerno ha nagpapadayon nga oil price increase.
Sumala kan Leo Templado, Vice Chairman han Tacloban Marasbaras Drivers Operators Transport Cooperative (TAMADOTCO), diri hira mag-iinukoy ngan igbabaliwaray an natatabo nga problema ha mga drivers ngan operators.
Pahayag pa hini nga mayda memorandum nga ginpalusad han Office of Transportation Cooperatives (OTC) nga igindidiri ha ira an pagdudumara hin rally.
Pero diri daw ini rason nga diri hira maghihimo hin aksyon may paghisumpay ha nasabi nga problema.
Dugang pa hini nga kun magtika-grabe pa an mao nga sitwasyon in didto na hira magios agud maghimo hin kaangayan nga solusyon ha presente nga ayat ha mga drivers ngan operators.
