TACLOBAN CITY – Mas nagin masurong ngan mapalit an mga pan-negosyuhan ha syudad dida han nakalabay nga bulan mahitungod han gindumara nga month-long celebration hiton kapatrunan.
Sumala kan Eugene Tan, Presidente hiton Philippine Chamber of Commerce and Industry hito Tacloban-Leyte Chapter, ine in mahitungod gihapon han kadamo han mga tawo nga bumisita ha syudad para han mga magkaduru-dilain nga aktibades nga gindumara dida han nakalabay nga bulan.
Yakan pa hine, kada manggud magkaka-may ada ine aktibidad an usa nga lugar in nadako gihapon an income han usa nga lugar.
Kadam-an han mga negosyo nga humitaas an kita ha nakalabay nga bulan in amu an mga hotels, lodging houses, restaurants, ngan iba pa kaupod adton mga gudti nga negosyo.
Dako naman daw ine nga bulig ha mga nagnenegosyo mahitungod nga an iba han mga ine in waray pa makakabawi tikang han pandemya.
