-- Advertisements --
INTERNATIONAL NEWS– Nakaghipatik hin unom katawo iton patay ngan pagkadelatar han mga flights ha dako nga parte han Europa matungod han pag-uran hiton snow.
Lima an namatay ha magkalain-lain nga parte han France mahuman nga maaksidente matungod nga puno hin snow an karsada, sugadman ha Bosnia usa nga babayi an namatay matungod nga nahulugan ine hin madakmol nga snow.
Yinukot-yukot naman nga mga pasaheros an nadelatar ngan na-stranded ha mga paluparan han Paris ngan Amsterdamn.
Ginlalauman nga magpapadayon an pagkadelatar han mga flighst ha sulod hiton pira ka-adlaw matungod han padayon nga pag-uran hiton ice.
Nagpahimatngon naman an national weather service han France nga posible igbutang ha orange alert an 38 nga mga distrito.
