INTERNATIONAL – Gin sigurado han gobyerno han Iran nga nagpapabilin nga abre para ha global oil trade an Strait of Hormuz, labot la han mga barko nga gin tatag-iyahan han Estados Unidos ngan Israel.
Igin basura ni Iranian Foreign Minister Abbas Araghchi an kahadlok han publiko nga dayon na nga sisiradhan han Iran an mao nga agianan.
Sumala hitun opisyal, an mga oil tanker ngan iba nga mga barko nga gin tatag-iyahan han ira mga kaaway an mahugot nga diri gin tutugutan nga umagi.
Dugang pa hini, gin tutugutan la gihap nga umagi ha nasabiu nga ruta an ngatanan nga klase hin barko nga diri konektado ha US ngan Israel.
Mababaruan nga an Strait of Hormuz in usa nga kritikal na ruta ha kadagatan kundiin, gin babana-bana nga maabot ha 20 porsyento hin supply hiton lana an nagtitikang ha Gulf region.
Manunumduman nga ugsa pa man an mao nga pagklaro in pira na nga mga insidente hin pambobomba ha mga barko an nahipatik ha mao nga kadagatan ha butnga hiton nagpapadayon nga mahugot na tensyon ha rehiyon..
Kaupod na hini dinhi an pag-atake ha usa nga vessel han Thailand, kun diin gin klaro hini nga waray bisan ano nga partisipasyon ha nahihinabo nga giyera ha middle east.
