TACLOBAN CITY – Nagpasalamat hi San Miguel, Leyte Mayor, Atty. Norman Sabdao ha mga atleta nga San Miguelnon nga naghatag hin dungog ha ira bungto mahuman nga makakuha hin medalya ha kahuhuman la nga 2024 ICF Dragot Boat World Championship ha Puerto Princesa, Palawan dida han nakalabay nga semana.
Sumala pa hine, gin tukuran an ira bungto hin Dragon Boat practice o training program han Philippine Sports Commission kun diin mayda gihapon gin padara nga coach para ha pag hag-id han mga atleta.
An bungto han San Miguel in ada gudman nahimumutang ha ligid han dagat sanglit sanglit waray daw hunong an pagbinuru-bugsay han nasabi nga mga atleta hasta nga umapi na an mga ine ha mga paisan-isan ngan pormal nga gin kaptan han PSC.
Mayda naman daw gin andam nga special nga programa an nasabi nga bungto para ha pag-uli han mga atleta kun diin makarawat gihapon an mga ine hin cash incentives kumo pahalipay ha paghatag hin dungog ha ira bungto.
