TACLOBAN CITY – Nagpapadayon an import ban han Department of Agriculture ha imported nga bugas ha nasud Pilipinas.
Pero ha kaluyo han import ban, in hinmitaas la gihapon an presyo han lokak nga bugas ha Sinirangan Bisayas.
Ine an iginkapausa han publiko ha rehiyon.
Sumala kan Department of Agriculture Secretary Francisco Tiu Laurel Jr., an panuyuan han pag implementar han import ban han bugas in matagan hin priority an mga local rice farmers.
Ha kaluyo han pag import ban in mayda naman gin lalauman an United States Department of Agriculture ha pag ubos ha 19% han rice ban ha Pilipinas.
Subay ha USAD’s Foreign Agriculture may posibilidad nga umobos ha 4.4 million metric tons ha 2025 tikadto ha 2026, tikang ha 5.4 million metric tons dida han 2024-2025.
Sumala kan Senior Agriculturist Dioscoro Gasatan Jr., han Department of Agriculture Region 8, usa ha mga rason an iginbabaligya nga kalidad han bugas.
An mga bugas nga napapalit yana in kaurugan tikang ha local farmers kun diin nakakapag produce an parag-uma hin maupay nga bugas nga maikokompara ha imported rice.
An pinaka barato yana nga mapapalit nga bugas in aada ha P35 ine an regular milled rice, ngan aada naman ha P60 an special local rice nga pinaka hataas ha merkado ha Eastern Visayas.
Pahinumdom naman niya ha mga konsumidor nga kitaon an kalidad han bugas nga papaliton kalakip na an presyo.
