GUIUAN, EASTERN SAMAR – Maabot ha upat nga insidente han grassfire an nahipatik ha isla han Homonhon ha Guiuan, Eastern Samar ha magkasurunod nga adlaw, yana nga bulan han Abril.
Nahipatik an siyahan nga insidente han grassfire ha Abril 13 ha Brgy. Bitaugan nga naparong dida han Abril 14, ngan dida naman han petsa 15 in ha Brgy. Culasi nga umabot hin duha ka-adlaw ugsa mapuy-puy an kalayo, ngan an ikatulo naman nga nahipatik ha Brgy. Casuguran dida han petsa 16 ngan ha Brgy. Canawayon dida han nakalabay nga adlaw.
Sumala kan Guiuan Municipal Fire Station Duty Investigator, FO3 Denzel Sible, nga an mga insidente han grassfire ha lugar in nahipatik ha mga umhanan ngan mahitungod han kamapaso han panahon in madagmit ini nga nasarang ngan nadako.
May insidente gihapon nga naglalarab utro an mga lugar nga ira na napupuy-puy.
Dugang naman ni Sible nga dayon naman nga narespondihan nira ini nga mga grassfire ngan ha bulig na gihapon han mga molupyo han lugar.
Ha pagkayana in nagbubuhat hira hin kinada-adlaw nga pambomba hin tubig ha mga umhanan kaparte na gihapon han ira routine checks ha lugar, ngan an ira kampanya kontra sunog, agud mapugngan ngan malikayan an mga insidente han grassfire ha isla.
