METRO MANILA – Ginduon ni Justice Panel Chairman ngan Batangas Rep. Gerville Luistro, nga klarado ha Konstitusyon nga an Kamara an may kapas nga tikangan an impeachment kontra kan VP Sara Duterte ha kaluyo han mga petisyon nga ginhaon ha Korte Suprema.
Ha pag-abre han hearing, ginpahayag ni Luistro nga kapot han Kamara an siyahan nga gios ngan direksyon han proseso.
Dugang pa, an ” exclusive power” in nangangaruyag sidngon nga ha Kamara nagtitikang an impeachment, samtang an Senado naman an magsisirbe nga impeachment court nga magdedesisyon kun may-ada sala o waray an opisyal.
Ginklaro gihapon hine nga dire ine usa nga paglilitis kundi usa nga pagi-istudyo kun may sakto nga basaranan agud ipasaka an kaso ha Senado.
Ginbaribaran pa han manbaralaod an alegasyon nga nasobra na ha kapas han Senado an komite.
Subay ha iya, magkaiba an responsibilidad han duha nga kapulungan, ngan klarado ine nga nakabutang ha Konstitusyon nga an Kamara an nag-imbestiga, ngan an Senado an nagsisirot.
