Igin duduso ha Kamara de Representantes an balaodonon nga pugngan an tigda nga paghitaas han presyo han produkto nga petrolyo.
Ha ilarom han House Bill 8839 o “Fuel Price Stabilization and Energy Security Act” nga gin surat ni Manila Rep. Joel Chua, matatagan hin kapas an gobyerno nga manginlabot ha presyo ngan supply han lana ha lokal nga merkado.
Ini in, tarihas ha presente nga sistema kun diin an mga kompanya la han lana an nagdidikta han presyo basar han Oil Deregulation Law.
Sakob ha mao nga balaodnon an pagtindog hin Oil Price Stabilization Fund ngan Strategic Petroleum Reserve, nga magsisirbe tipigan hin mga barato nga lana kun hibubo an presyo ha world market ngan ig gagawas la ha sa panahon han krisis.
Sumala kan Chua, ha sugad nga pamaagi hin mekanismo in malilikayan an panic buying ug masisiguro an sadang nga suplay hin lana ha butnga han mga nahihinabo nga gyera ha kalibutan.
