Gin sirotan hin unom kabulan nga pagkakapresos an American livestreamer nga hi Johnny Somali mahuman mapamatud-an nga nagsayop ha mga kaso kasumpay han public nuisance ngan pagpapasarang hin sexual deepfakes ha Seoul.
Subay ha korte han South Korea, nagtalapas an 25-anyos nga may tinuod nga ngaran nga Ismael Ramsey Khalid mahuman ini mag-post hn videokun diin gin hadkan hini an usa nga estatwa nga nasimbolo ha mga biktima han World War II sexual slavery ngan nagbuhat gihapon sakto nga buruhaton ha nasabi nga memorial.
Ginmalatumat han huwes nga pauru-utro nga naghimo hin mga bastos nga buruhaton an akusado nga nakakaapelkto ha publiko, kun diin an buruhaton in agud kumita pinaagi han iya online content.
Mas hamubo pa ini kumpara ha hangyo han prosekusyon nga tulo katuig nga sirot. Labot ha pagkakapreso, pagbabawalan gihapon hi Khalid nga makipagtrabaho ha mga organisasyon maypaghisumpay ha mga menor de edad ngan persons with disabilities ha oras han iya paggawas.
Hi Khalid in nakilala kumo kontrobersyal nga content ha magkadiru-dilain nga nasud, kalakip an Japan ngan Israel, kun diin iginrereklamo gihapon hiya han mga lokal mahitungod ha panha-harass ngan pagtalapas han pampubliko nga kahimyangan.
Ha South Korea, syahan ini nga ginpugngan nga lumakat han nasud samtang gindudumara an imbestigasyon ha iya mga kaso.
