TACLOBAN CITY – Maabot ha 2,121 nga mga magturutdo ngan school heads ha Sinirangan Bisayas an na-promote ha ilarum han Expanded Career Progression System han gobyerno.
Ginpangunahan ni Presidente Ferdinand Marcos Jr. an seremonya ha Tacloban City, samtang ginpanginano naman ni Education Sec. Sonny Angara an oath-taking.
Ginsigurado han Presidente an padayon nga suporta ha mga magturutdo, kaupod an mas klaro nga pitad ha promosyon ngan kadugangan nga benepisyo.
Ha ihap, 1,679 an na-promote ha ECP, ngan 442 ha non-ECP track.
Ginawaran gihapon an 26 nga beterano nga magturutdo nga may 12 kutob 30 ka-tuig nga serbisyo.
Sumala ha Department of Education, kaupod ha mga napromote an ranggo in tikang ha Teacher I kutob VII ngan Principal I kutob IV, kasunod ha Executive Order No. 174 s, 2022.
Duha gihapon an tikang ha programa nga “SA PINAS IKAW ANG MAAM AT SIR” o SPIMS program nga nagbabalik ha serbisyo ha mga OFW nga magturutdo.
Samtang, target naman han DepEd an kutob 100,000 nga promosyon yana nga tuig.
Manunumduman nga sobra 65,000 na an humitaas an rango tikang han Agosto 2025 kutob Abril 2026.
