TACLOBAN CITY — Nangangandaman na an Eastern Visayas State University (EVSU) para han State Colleges and Universities Athletic Association (SCUAA) 2026, nga pagbubuhaton tinikangan Abril 20-25, yana nga tuig ha Tacloban City.
Subay kan Eastern Visayas State University, Information Officer, Jenette Ruedas, magpapatuman an eskwelahan hin asynchronous online classes para ha mga estudyante tikang first year kutob fourth year tinikangan Abril 20-25.
Panuyuan hine nga tagan hin iwag an mga delegasyon nga magamit ha mga pasilidad kumo billeting areas.
Magpapatuman gihapon hin austerity measures iton eskwelahan kumo baton ha butnga han kasamok ha Middle East, nga nakakaapekto ha nasud.
Pira ha mga mulay nga iga-akomodar han EVSU an Softball, Pencak Silat, Badminton, Basketball 5×5 (Men’s Category), Basketball 5×5 (Women’s Category), Karatedo, Archery, Sipak Takraw (Men’s and Women’s), Table Tennis, Basketball 3×3 (Men’s Category), Badminton, ngan Dancesport (Latin, Modern, 3rd Kind).
Ha kaluyo han dako nga event, ginsugurado han pamunuan han EVSU nga dire mapapabay-an an pag-aram han mga estudyante ha pamamaagi han online learning setup.
Manunumduman nga tulo an magigin host nga eskwelahan para ha SCUAA Meet 2026 – an Leyte Normal University ( LNU), Eastern Visayas State University (EVSU), ngan University of the Philippines Tacloban College (UPTC).
