Igin malatumat ni Interior Secretary Jonvic Remulla, nga sagni umabot hin usa ngada ha tulo ka semana ugsa mahibalik ha Pilipinas hi anay Ako Bicol-Party List Rep. Elizaldy “Zaldy” Co tikang ha nasud Czech Republic.
Hi Co in naaresto ha Prague mahuman nga masakpan han mga otoridad nga waray sakto nga mga travel documents samtang gin pro-proybaran tumabok tikadto ha Germany. Ha pagkayana, gin aayos na an mga kapapelan ni Co agud mahibalik ha Pilipinas.
Dugang pa ni Remulla nakadepende an kadagmit han pag balik ni Co ha nasud ha koordinasyon han Department of Foreign Affairs ug mga otoridad han Czech Republic.
Sumala pa hini, na atubang gihapon ha mga komplikasyon an pagbalik ni Co ha nasud mahitungod nga kanselado na an Philippine passport hini.
Hi Co in naatubang ha mga kaso nga graft ngan malversation kanit han daw iregularidad ha P289.5 million flood control project ha Oriental Mindoro.
Igin tutudlok gihapon ini kumo “fugitive from justice” han Sandiganbayan mahuman nga waray bumalik ha nasud agud kaatubangon an iya mga kaso.
