TACLOBAN CITY – Dead on the spot an usa nga lalaki, mahuman ine nga pagbun-on han iya kalugaringon bugto ha Brgy. Kaulangohan, Caibiran, Biliran.
Ginkilala an biktima kan alyas Jun 49-anyos, residente han Brgy. Alegria, Caibiran, Biliran, samtang an suspek naman in hi alyas Boy 62-anyos an pangidaron, residente han Sitio Tigbaw, Brgy. Binohangan, Caibiran, Biliran.
Sumala kan Pcpt Teofilo Gervacio lll, Acting Chief of Police Caibiran Municipal Police Station, subay ha ira gindumara nga imbestigasyon, nagpakainom hin makahurubog nga irimnon an biktima ngan suspek, ngan samtang tiuli an mga ine ha ira mga panimalay nagkamayda hin dire pagkaka-intindihay ha dalan an duha nga nagresulta hin pagbuno han suspek ha biktima.
Naigo naman ha dughan nga parte an biktima nga nagresulta han iya dayon nga kamatayon.
Dayon naman nga sumurender an suspek, ha mga kapulisan kahuman han insidente.
