-- Advertisements --
INTERNATIONAL NEWS– Nagtikang na nga magin aktibo utro an Klyuchevskoy volcano ha Kamchatka peninsula mahuman nga bumay-og an makusog nga linog ha Russia.
Subay ha Russian Academy of Sciences’ United Geophysical Service, nagbuga hin abo ngan lava an nasabi nga bulkan pira ka oras mahuman an linog.
Makikit-an iton bulkan ha may 450 kilometers nga hilaga nga parte han Petropavlovsk-Kamchatsky.
An Klyuchevskoy volcano in usa ha pinakahitaas nga bulkan ha bug-os nga kalibutan.
Manunumduman, umigo an magnitude 8.8 nga linog ha Kamchatka region nga nagresulta hin pagkaguba hin damo nga establisyemento ngan ginkasamad han pira nga mga residente.
