Dismayado ni U.S. President Donald Trump ha pinakaurhi nga panukala han Iran para ha peace talks nga ginpapangunahan han Pakistan.
Ha panayam ha White House, ginmalatumat ni Trump nga dire makaru-karawat an mga gin-aaro han Tehran.
“At this moment I’m not satisfied with what they’re offering,” sumala kanTrump.
Mababaruan nga naghangyo an Iran nga igdelatar la anay an anuman nga diskusyon kasumpay ha ira nuclear program samtang dire pa nahuhuman an kasamok.
Kumo kabalyo, iginduduso han Tehran an utro nga pag-aabri han Strait of Hormuz. Kaparte gihapon han ira hangyo an pagtanggal han mga economic sanction han Amerika.
Mahitungod hini, dire malikayan ni Trump nga maghulga nga posible hira gumamit hin mas makusog nga pwersa kun utro nga mapapakyas an negosasyon.
