Lumaprak hin gutiay an mga stock market ha bug-os nga kalibutan dida han Myerkules mahitngod ha pagkabaraka han mga investors nga nagtitikaduro nga tensyon ha Middle East ngan posible nga epekto hini ha presyo han lana ngan ekonomiya.
Humitaas manggud hin sobra 5% an presyo han lana mahuman nga gumawas an mga report nga posible mag-andam an Estados Unidos para ha mas maiha nga kasamok ha Iran.
Nagdurot ini hin pagkabaraka mahitungod nga an Iran in harani ha Strait of Hormuz, usa nga importante nga ruta nga gin aagian han dako nga parte han suplay han lana ha kalibutan. Kun maapektaran ini, posible nga humitaas pa an presyo han gasolina ngan iba pa nga papliton.
Ha US stock market, pabag-o bag-o an kiwa han mga index. Umubos an Dow Jones Industrial Average, haros flat an S&P 500, samtang humitaas naman hin gutiay an Nasdaq. Parehas gihapon an nagin kiwa ha European ngan iba pa nga global markets nga nagpakita han gutiay nga pag-ubos.
Samtang padayon an geopolitical concerns, gin papamulat gihapon han mga investor an resulta han kita han dagko nga tech companies sugad han ginlalauman nga maghahatag hin direksyon ha merkado.
Labot pa hini, humitaas gihapon an bond yields mahitungod ha ginlalauman nga inflation pressure tikang ha hitaas nga presyo han krudo, samtang kumusog an US dollar kontra ha iba nga pangunahon nga currency.
Ha lain nga bahin, umubos naman an presyo han gold ha ikatulo nga sunod nga adlaw mahuman an nauna nga paghitaas.
