Gin anunsyo han White House nga “terminated” o human na an kasamok ha Iran mahuman maabot hini an igintalaan nga deadline han adlaw han paghuhuman han kasamok dida han Biyernes (adlaw ha Amerika).
“For War Powers Resolution purposes, the hostilities that began on Saturday, February 28, have terminated,” sumala ha senior official han Trump administration.
Ha ilarom manggud han 1973 U.S. War Powers Resolution, iginkokonsidera nga human na an 60-kaadlaw nga palugit han Kongreso agud tugutan han Presidente han Amerika nga magdumara hin military operations hin waray katugutan tikang hini labot nala kun ini in papahilabaon o aaprubahan han lehislatura.
Kun manunumduman, nagtikang nga atakehon han US ngan Israel an Iran dida han Pebrero 28, 2026, duha kabulan na an nakakalabay.
Sugadman, para ha mga Democrats sugad kan Senator Jeanne Shaheen han New Hampshire, waray nakasurat ha balaod nga naghahatag hin basaranan agud igdeklara nga human na an ‘hostilities’ kun padayon an presente han pwersa han militar ha rehiyon.
Dugang pa hini, dire pa gud nahuhuman an kasamok mahitungod nga hasta yana, mayda mga barko la gihapon an US nga nagbabantay ngan nabalabag ha oil exports han Iran.
