Opisyal na nga ginkilala han Guinness World Records an usa nga lionhead rabbit nga hi Herbie kumo “Oldest Living Rabbit In The World” mahuman ini umabot ha edad nga 15 anyos ngan 82 kaadlaw.
Kaurugan nga nag-iiha la hin pito ngada ha 10 katuig an kinabuhi han nasabi nga breed, sanglit nahikalasan hira Richard ngan Melissa Dunham han madoble ni Herbie an ginlalauman nga kahilaba han kinabuhi hini. Gin aatimanan na han mag-asawa an kuneho dida han walo kasemana pala ini.
Ha sulod han halaba nga kinabuhi ni Herbie, nagkamay-ada hiya hin tulo nga “asawa” (hira Flopsy, Tinks, ngan Betty), kun diin paprehas nagkamatay na an mga ini.
Sumala kan Melissa, makusog ngan medyo “bossy” an personalidad han ira alaga. Mahilig ini magpa-sibo kan Richard kumo paki-mulay, ngan kaurugan gihapon mag-binky, usa nga klase hin paglukso ngan pag-flip ha ere nga ginbubuhat hanmga kuneho kun hira in malipayon.
Ha kaluyo han pagigin palaban hini dida han bata pa ini, mas nagin malambing ngan kalmado hi Herbie han kalagas na hini, kaurugan na ini nga nasapit ha ira ha sofa.
