Naghulga an Iran nga magdudumara ini hin “Long and painful strikes” kontra ha US ha oras nga igpadayon han Washington an panginlabot ha Strait of Hormuz.
Padayon manggud nga ginbabalabgan han Iran an strait kumo baton ha naval blockade han Estados Unidos. Mahitungod ha pagsasarado, apektado hini an ginbabana-bana 20% han pankalibutan nga suplay han lana ngan gas ha bug-os nga kalibutan.
Bisan man mayda nagpapadayon nga ceasefire tikang Abril 8, nagpapabilin nga deadlock an negosasyon.
Subay ha report, ginlalauman nga tatagan hin briefing hi U.S. President Donald Trump kasumpay ha mga plano nga military strikes kontra ha Iran agud piriton ini nga makigsabot.
An nasabi nga plano in dayun nga nakaapekto ha world market, kun diin umabot hin sobra $126 kada barilies an presyo han Brent crude ugsa umubos ha sobra-kulang $113.
Nagpahimatngon naman an usa nga opisyal han Revolutionary Guards nga anuman nga pag-atake han Amerika in ira babatunon hin haluag nga danyos kontra ha mga base-militar ngan barko hini ha rehiyon.
