Ginlalauman an padayon nga paghinay han kiwa han cryptocurrency market ha butnga han nagpapadayon nga kasamok ha Middle East.
Ha panayam han Star FM Roxas kan Christian Jay Azucena, usa nga crypto trader ngan market analyst, ginmalatumat hini nga mahinay an trading activity ha presente.
Sumala kan Azucena, nagpapabilin nga mahirot an mga traders ngan investors, ngan posible nga bumalik la an kusog han merkado kun mahuman na an kasamok ha rehiyon.
Dugang pa hini, dida han syahan nga parte han Abril in nagpahayag an Iranian authorities nga makarawat hira hin bayad gamit an cryptocurrency tikang ha mga oil ships nga maagi ha Strait of Hormuz.
Samtang, mayda naman mga barko an nakagbayad gamit an digital currency, kadungan han anunsyo ni Donald Trump kasumpay ha pag-freeze han sobra-kulang USD $344 milyon nga kantidad han digital assets agud madugangan an economic pressure kontra ha Iran.
Ha kaluyo hini, apektado gihapon an mga local crypto traders ha Pilipinas mahitungod ha direksyon nga ginsusubay han global cryptocurrency market.
