BEIJING, CHINA – Ginkilala kumo “worlds most extreme cafe” an Gushi Cliff Coffee ha southeastern China mahitungod ha ginkakabutangan hini nga aada ha ligid mismo han usa nga hataas nga bangin, 60 meters above sea level o kaparehas hin 20 feet nga building.
Sumala ha notisya, dire basta-basta nakakadtuan an coffee shop. Kinahanglan anay magbaktas an mga turista hin 30 ka-minutos ha usa nga via ferrata trail o bakal nga hagdanan ha bangin ngan mag-rappel paubos kaupod an usa nga instructor ugsa makakadto ha mga rectangular platforms nga nagsisirbi kumo lingkuran.
Nagkakantidad hin 398 yuan o P3,200 an usa ka-tasa han Kape. Bisan mahal, ginklaro han tag-iya nga kaupod na ha bayad an insurance, safety equipment, serbisyo han guide, ngan waray limitasyon nga oras nga pagpabilin ha platform.
Ginabrihan ini dida han 2004, pero dida han nakalabay nag-viral ha social media ini mahitungod ha mga nakakahilo nga videos han mga turista nga nagprubar ha makaharadlok pero breathtaking nga experience.
