Duro an nagin trapiko ha Park Avenue cor. Main Street, Park City, Utah ha partikular nga adlaw, kun diin dire naman sugad han una sanglit damo nga motorista an nangalas.
Hasta nga nahibaruan nira an rason han trapiko. Usa nga lalaki nga nagngangaran hin Jason Andreotti an nakasakay ha camel ngan nanhahatag hin leaflets an nakadto ha butnga han karsada. An lalaki in nagpo-promote han iya ginhimo nga film.
Mahitungod han ginbuhat han lalaki, gin dakop hiya han kapulisan ngan gin kasuhan hin traffic obstruction. Gin tiketan gihapon ini han mga pulis. Subay ha kapulisan, mahugot nga iginbabawal an ha nasabi nga karsada an camel. May balaod kasumpay hini nga ginhimo dida pa han 1875 kun diin bawal an camel didto.
Nagrason naman an lalaki nga dire hiya maaram nga bawal an camel ha lugar ngan waray hiya nakita ha Utah Statutes nga dire pwede an camel.
