Ginperdi han Barangay Ginebra an Rain or Shine ha iskor nga 109-101, ha Game 2 han PBA Commisioner’s Cup Semifinals ha Mall of Asia Arena agud igtabla an mulay ha 1-1.
Nanguna hi Justin Brownlee nga mayda 31 points, smatang nag-amot naman hira RJ Abarrientos ngan Japeth Aguilar agud mapabilin an kalamangan han Gin Kings.
Ha katapusan nga quarter, humabol an Rain or Shina tikang ha 98-78 nga lamang han Ginebra ngan nakaduok ha 101-97 mahuman an 1903 run nga mayda 1:37 nala. Sugadman, waray na ini makaabante.
Para ha Rain or Shine Elasto Painters, nanguna hi Adrian Nocum nga mayda 20 points, samtan tag-19 points naman hira Jhonard Clarito ngan import nga hi Jaylen Johnson.
Ha nasabi nga daog, utro nga nagdukot an serye ngan ginlalauman mas magigin mapaso an Game 3.
