Posible nga utro humitaas an presyo han mga produkto nga petrolyo ha masunod nga semana mahitungod ha padayon nga problema ha suplay han lana durot han tensyon ha Middle East.
Subay ha panginano tikang ha industriya han lana gamit an resulta han Mean of Platts Singapore (MOPS) ngan foreign exchange trading ha nakalabay nga upat kaadlaw, posible madugngan an presyo han diesel ngan gasolina.
Ginbabana-aban nga mahitaas hin P1 ngada ha P1.30 kada litro an diesel samtang posible gihapon madugngan hin P1.20 ngada ha P1.50 kada litro an gasolina.
Subay ha usa nga source tikang ha oil industry, padayon nga naapektaran an diesel mahitungod ha hitaas nga presyo han krudo ngan dire la gihapon nareresolba nga problema ha suplay han lana ha world market.
Samtang, nagpapabilin nga hitaas gihapon an presyo han gasolina mahitungod ha limitado nga global supplyu ngan nagtitikahitaas nga demand, partikular ha Estados Unidos kadungan han pagtitikang han peak summer season.
